Buyuk Britaniya Rossiyani ushlab turish uchun harbiy majburiyatni joriy qilishi kerak.
Bu haqda Latviya Tashqi ishlar vazirligi rahbari Krishyanis Karinsh Britaniyaning «The Telegraph» gazetasiga bergan intervyusida aytib o‘tdi, deb yozadi «Report».
«Biz buni qat’iy tavsiya qilamiz», dedi u.
Vazirning so‘zlariga ko‘ra, Britaniya rasmiylari muqarrar ravishda harbiy xarajatlarni mamlakat yalpi ichki mahsulotining (YAIM) 3 foizigacha oshirishga majbur bo‘ladi.
Karinsh NATOning boshqa davlatlariga «umumiy mudofaa» modelini ko‘rib chiqishni maslahat berdi, bunda qisqa vaqt ichida ko‘p sonli fuqarolar armiyaga jalb etilishi mumkin. Vazir Finlyandiyani misol qilib keltirdi. Uning qayd etishicha, doimiy armiya kontingenti kichik bo‘lishiga qaramay, urush davrida katta va yaxshi tayyorlangan zaxira bo‘linmalari mavjud.
