Latviya Rossiya bilan chegarada xavfsizlik infratuzilmasini qurishni tezlashtirmoqchi

Latviya Rossiya bilan chegarada xavfsizlik infratuzilmasini qurishni tezlashtirmoqchi. Bu haqda Delfi yozadi.

Rossiya bilan quruqlikdagi chegarada qurilish ishlarini tezlashtirish uchun armiyani jalb qilish rejalashtirilgan.

Ma’lum qilinishicha, Latviya qurolli kuchlari ko‘magida uzunligi 11,07 va 8,45 km bo‘lgan ikkita to‘siq uchastkasi qurilishi mumkin. Umuman olganda, gap Rossiya bilan chegarada 180 km uzunlikdagi himoya to‘siqlari qurilishi haqida ketmoqda.

Chegaraning 53 kilometrida chegara qo‘riqlash infratuzilmasi bo‘ladi. Buni qilish to‘g‘risidagi qaror Rossiyaning Ukrainaga keng ko‘lamli bostirib kirishi boshlanganidan keyin qabul qilindi. Kerakli maydonlar allaqachon o‘rmonlardan tozalangan.