Jinni qo‘liga ko‘zgu oldi-da, tikilib turib sherigiga dedi:
— Qara, negadir manavi bashara tanish ko‘rinayapti.
— Qani, ber-chi!..
Ikkinchi jinni ham ko‘zguga tikilib turdi-da, qichqirdi:
— E, ahmoq, axir, bu menman-ku!
***
Piyonista shishadoshidan so‘radi:
— S-sen meni h-hurmat qilasanmi?
— S-sen... Buni yaqindagina so‘rading.
— N-nima deb javob qilding sen?
— E-esimda yo‘q...
***
Siyohdonga pashsha tushib qoldi. Dadasi vrach bo‘lib ishlaydigan bolakay sekin pashshani sug‘urib oldi-da, oppoq qog‘oz ustiga qo‘yib birpas tikilib turgach, baqirdi:
— Oyi, qarang, pashshayam xuddi dadamga o‘xshab yozarkan!