Krishtianu Ronaldu terma jamoani tark etdi

Saudiya Arabistonining "An-Nasr" klubi hujumchisi Krishtianu Ronaldu Portugaliya terma jamoasidagi faoliyatini yakunlaganini e’lon qildi.

41 yoshli futbolchi bu haqda ijtimoiy tarmoqdagi sahifasida ma’lum qildi.

"Portugaliya qalbimda abadiy qoladi", — deb yozdi Ronaldu.

Krishtianu Portugaliya milliy jamoasidagi debyutini 2003 yil 20 avgustda, 18 yoshida o‘tkazgan. U Qozog‘istonga qarshi o‘rtoqlik uchrashuvida (1:0) ikkinchi bo‘limda zaxiradan maydonga tushgan edi.

Ronaldu terma jamoadagi 23 yillik faoliyati davomida 234 ta uchrashuvda ishtirok etib, 146 ta gol urdi va 45 ta golli uzatmani amalga oshirdi.

Afsonaviy hujumchi Portugaliya bilan 2016 yilda Yevropa chempioniga aylandi. Shuningdek, u 2018/2019 va 2024/2025 yilgi mavsumlarda UYEFA Millatlar ligasida g‘olib chiqdi.