Kredit olgan shaxs xorijga chiqishi mumkinmi? Cheklov bor yoki yo‘qligini qayerdan bilsa bo‘ladi?

Bankda krediti bor yoki kredit olmoqchi bo‘lgan ko‘pchilikda shunday savol tug‘ilishi mumkin. «O‘zbekiston Respublikasi fuqarolarining xorijga chiqish tartibi to‘g‘risida»gi nizomda fuqarolarga qachon chet elga chiqishni cheklash holatlari keltirib o‘tilgan.

☑️ Bankdan kredit olgan shaxs kredit shartnomasi shartlariga muvofiq to‘lovlarni o‘z vaqtida amalga oshirib kelayotgan bo‘lsa xorijga chiqishiga hech qanday cheklov bo‘lmaydi.

❌ Krediti bor shaxs faqat bitta holatda xorijga chiqa olmaydi. Qarzdorlik sudga oshirilib sudning hal qiluv qarori chiqarilganda va kredit qarzdorligi ijroga (MIB) qaratilganda chet davlatga chiqishga taqiq qo‘yiladi.

👉 Xorijga chiqishga cheklov bor yoki yo‘qligini bilish uchun ariza beruvchi YAIDXP(my.gov.uz)da ro‘yxatdan va/yoki avtorizasiyadan o‘tadi va so‘rov yuboradi. Tizim avtomatik tarzda ijro xujjatlari asosida qarzdorlik bo‘yicha O‘zbekiston Respublikasidan chiqishiga vaqtinchalik cheklov qo‘yilganlik holati mavjudligi yoki yo‘qligi to‘g‘risida ma’lumot beradi. Xizmat bepul amalga oshiriladi.