Kontrakt pulini to‘lolmasangiz, ta’lim krediti oling!

Ta’lim krediti oliy va professional ta’lim tashkilotlarida o‘qiyotgan talaba va o‘quvchilarga ajratiladi.

Kredit shartlari:
• yillik stavka – 14% (MB asosiy stavkasida);
• miqdori – oliy ta’lim muassasasida shartnoma asosidagi yillik kontrakt miqdorida;
• muddati – o‘qishni tugatgandan so‘ng yettinchi oydan boshlab, 7 yil muddatga.

Kredit olish uchun qanday hujjatlar talab etiladi?
• shaxsni tasdiqlovchi hujjat;
• oliy ta’lim muassasasi bilan tuzilgan shartnoma nusxasi;
• ta’minot hujjatlari.

Talaba xotin-qizlar ta’lim krediti foizlarini to‘lashdan ozod etiladi! Xotin-qizlarga ajratiladigan ta’lim krediti bo‘yicha foiz to‘lovlari Ta’lim kreditini moliyalashtirish jamg‘armasi tomonidan tijorat banklariga to‘lab beriladi.

Ta’lim krediti rasmiylashtirish uchun arizalarni bank ofislarida va Talim-krediti.mf.uz portali orqali qoldirish mumkin.