Mashhur irlandiyalik aralash yakkakurash (MMA) jangchisi, ikki vazn toifasida sobiq UFC chempioni Konor Makgregor oktagonga qaytishi mavzusida gapirdi.
“UFC bilan shartnomam tugashiga yana ikkita jangim bor. Hozir muzokaralar olib bormoqdaman. Mening ishtirokimdagi “Yo‘l bo‘yidagi uy” filmini targ‘ib qilish ishlari tugagach, o‘zimni izolyasiya qilaman. Va men oktagonga qaytish ustida ishlayman. Men buni juda xohlayman. Biz hozir 2024 yilning birinchi choragidamiz. Oldinda hali yilning katta qismi bor», - deya Makgregor so‘zlarini keltiradi MMA Fighting.
Konor 2021 yilning yozidan buyon jang o‘tkazmagan. O‘shanda u AQSh vakili Dastin Poryega yutqazib, jangda oyog‘ini sindirgan edi. Makgregor avvalroq navbatdagi jangini 2024 yil 29 iyun kuni o‘tkazishga umid qilayotganini aytgan va o‘ziga raqib sifatida Maykl Chandlerni ko‘rsatgan edi.
