Kolumbiyada noma’lum shaxslar vise-prezidentning mashinasiga qarata o‘q uzdi

Kolumbiya vise-prezidenti Fransiya Markes sayohat qiladigan mashina mamlakat g‘arbida o‘qqa tutildi.

Bu haqda Kolumbiya vise-prezidenti bayonotida aytiladi.

Uning qo‘shimcha qilishicha, hodisa vaqtida u mashina ichida bo‘lmagan, hujum natijasida hech kim jabrlanmagan.

Kolumbiya vise-prezidentining so‘zlariga ko‘ra, favqulodda holat u ish safari bilan bo‘lgan mamlakat g‘arbidagi Kauka departamentidagi Suares munisipalitetini tark etganidan keyin sodir bo‘lgan.