Kiyevda norozilik namoyishi bo‘lib o‘tdi

Kiyevning markaziy maydoni – Maydanda miting bo‘lib o‘tdi.

Aksiya ishtirokchilarining aksariyati urush paytida bedarak yo‘qolgan yoki asirga olingan askarlarning ota-onalari va oilalaridir.

Ular xalqaro tashkilotlar va hukumatga o‘z yaqinlarini topish yoki ozod qilish bo‘yicha talab va iltimoslar bilan chiqishgan. Asosan kiyevliklar ishtirokida o‘tgan aksiyaga viloyatlardan ham odamlar qo‘shildi.

Namoyishchilar yaqinlari qo‘yib yuborilgunicha, yaqin kunlarda namoyishlarni davom ettirishlarini aytishdi.