Ukraina prezidenti devoni rahbari maslahatchisi Mixayl Podolyak Xitoyga “Ukraina inqirozi” yo‘qligini eslatib, mamlakat rasmiylarini “harbiy jinoyatlar uchun yumshoq sinonimlarni qidirmaslikka” chaqirdi.
“Urg‘ularni yana bir bor tuzatish kerak. "Ukraina inqirozi" yo‘q. 2014 yilda Rossiya tomonidan boshlangan urush bor. Qrim va sharqiy viloyatlarning bir qismi Rossiyaga qo‘shilmadi, balki bosib olindi. Ukrainaliklar evakuasiya qilinmaydi, balki o‘ldiriladi yoki Rossiyaga deportasiya qilinadi. Urush jinoyatlari uchun yumshoq sinonimlarni izlashning hojati yo‘q”, deb yozdi u tvitterda.
Avvalroq, Xitoy Tashqi ishlar vazirligi o‘z hisobotlarida "Ukraina inqirozi" atamasini qo‘llagan edi.
