Politico xabariga ko‘ra, Ukraina Yevropa Komissiyasidan Vengriya va Slovakiyaga neft yetkazib berish logistikasini tashkil etishda yordam so‘ragan. Gap “Drujba” quvuri orqali ta’minotni to‘xtatish bo‘yicha bildirilgan ultimatumga javob haqida bormoqda.
Kiyev neftni boshqa quvurlar yoki Qora dengiz portlari orqali tranzit qilishni taklif etmoqda. Ukraina qonuniy cheklovlar doirasida neft yetkazib berishga tayyorligini bildirib, Yevropa Komissiyasini logistika masalasida ko‘makka chaqirgan.
Shu bilan birga, shikastlangan quvurni ta’mirlash ishlari kechayu kunduz davom etayotgani ma’lum qilindi. Muhandislik ishlari uchun vaqt va uskunalar zarurligi ta’kidlanmoqda.
Avvalroq Slovakiya bosh vaziri Robert Fiko 23 fevralga qadar “Drujba” quvuri orqali Rossiya nefti oqimi tiklanmasa, Ukrainaga elektr energiyasi yetkazib berish to‘xtatilishini aytgan edi. Vengriya bosh vaziri Viktor Orban ham shunday ehtimol haqida bayonot bergan. Vengriya Ukrainaga dizel yoqilg‘isi yetkazib berishni to‘xtatgani va YEIning 90 milliard yevrolik kreditiga to‘sqinlik qilgani ma’lum qilingan.
Dollar turbulentlik bosqichiga kirmoqda
Umraga borish 19 martdan rasman to‘xtatiladi
Tramp: "Menga mamlakatni vayron qilish huquqi berilgan”
