Keniyada parlament a’zosi otib ketildi

Keniya parlamenti deputati Charlz Ongondo Vere Nayrobida otib o‘ldirildi.

Bu haqda Citizen telekanali xabar berdi.

Teleradiokompaniya ma’lumotlariga ko‘ra, voqea Keniya poytaxti chorrahalaridan birida sodir bo‘lgan. Guvohlarning ta’kidlashicha, ikki bosqinchi motosiklda bo‘lgan. Ulardan biri yaqin masofadan mashinada bo‘lgan Veraga qarata o‘q uzgan, shundan so‘ng ikkala jinoyatchi jinoyat joyidan qochib ketgan.

Deputatning haydovchisi tirik va sog‘-salomat qolgan, bu esa, telekanalning fikricha, hujum qilganlarning maqsadi aynan qonun chiqaruvchi bo‘lganidan dalolat beradi.

Otishmaga yaqin atrofda bo‘lgan yo‘l polisiyasi xodimlari guvoh bo‘lgan, biroq ular jinoyatchilarni to‘xtata olmagan. Charlz Ongondo Vere Nayrobi kasalxonasiga olib borilgan va u yerda uning o‘limi qayd etilgan.

Jinoyatning sabablari noma’lumligicha qolmoqda. Daily Nation gazetasi ma’lumotlariga ko‘ra, ikki oycha avval Kasipul okrugi vakili bo‘lgan Vere hayoti xavf ostida ekanini aytgan.