Kecha Toshkent shahridagi eng oxirgi guruhlarda abituriyentlar test sinovida ishtirok etishdi. Shu bilan respublika OTMlarining bakalavriat bosqichi uchun 12 kun davom etgan test sinovlari o‘z nihoyasiga yetdi.
Endi faqat koronavirusga chalinib, test sinovlariga kela olmagan yoki test kuni isitmasi 37 darajadan baland bo‘lgan abituriyentlar uchun 1 kunlik qo‘shimcha test sinovlari o‘tkazilishi qoldi xolos.
Yakuniy mandat ana o‘sha qo‘shimcha test sinovlari o‘tkazilgan kundan keyin 10 kun ichida e’lon qilinadi.
