O‘zbekiston terma jamoasi bosh murabbiyi Fabio Kannavaro "Prime Video Sport IT" YouTube kanaliga bergan intervyusida jamoaga kelishi jarayoni va qaror qabul qilish sabablari haqida gapirdi.
"Jamoada avval murabbiy bor edi — Katanes. Lekin oxirgi to‘rtta o‘yin qolganda unda sog‘liq bilan bog‘liq muammo paydo bo‘ldi va u lavozimini tark etdi. Keyin mahalliy murabbiy jamoani qabul qildi va ular saralash bosqichidan muvaffaqiyatli o‘tishdi. Shundan keyin federasiya jamoani xorijlik murabbiyga topshirishga qaror qildi", — dedi Kannavaro.
U O‘zbekistonga avval “afsonalar o‘yini”da ishtirok etish uchun kelganini, shu orqali mamlakat futboli muhitini biroz o‘rganganini ta’kidladi.
"Men O‘zbekistonga avval “afsonalar o‘yini”da qatnashish uchun kelganman. Shu vaqtda muhitni biroz bilib olgandim. U yerda vise-prezident bor — u sobiq xalqaro hakam. Men u bilan gaplashdim. Oradan 15–20 kun o‘tib, u menga qo‘ng‘iroq qildi va men bilan uchrashmoqchi bo‘ldi. Men darhol rozi bo‘ldim", — dedi u.
Kannavaro, shuningdek, taklif qabul qilish jarayonida moliyaviy masalalar muhokama qilinmaganini alohida qayd etdi.
"Men u bilan pul haqida ham, boshqa shartlar haqida ham gaplashmadim. Men faqat shuni aytdim: Jahon chempionatiga chiqish — bu biz uchun, buni boshdan kechirganlar uchun allaqachon katta sovg‘a", — deya so‘zini yakunladi murabbiy.
Abduqodir Husanovning muvaffaqiyatlari ortidan Qozog‘iston futboli tanqid qilindi
“Real” yulduzlarni jilovlaydigan murabbiy topdi
«Real» o‘z sobiq futbolchisi vafot etganini ma’lum qildi
