Kanada Isroildan G‘azo sektoriga ketayotgan flotiliyada hibsga olingan faollarga nisbatan zo‘ravonlik holatlari haqidagi xabarlar bo‘yicha mustaqil tekshiruv o‘tkazishni talab qildi.
Kanada Bosh vaziri Mark Karni Isroil prezidenti Isaak Gersog bilan suhbatda tinch aholiga, jumladan, Kanada fuqarolariga nisbatan munosabatni "g‘azablantiruvchi" va "qabul qilib bo‘lmaydigan" deb atadi.
Karni shuningdek, G‘azodagi vaziyatni "halokatli" deb ta’rifladi va Kanadaning Isroil aholi punktlarini kengaytirishga, G‘arbiy Sohilda ko‘chmanchilarning zo‘ravonligiga va Falastin fuqarolariga qilingan hujumlarga qarshi ekanligini yana bir bor ta’kidladi.
Kanada tashqi ishlar vaziri Anita Anand isroillik hamkasbi Gideon Saar bilan suhbatda kanadaliklarga nisbatan zo‘ravonlik dalillarini Isroilga topshirishga tayyorligini bildirdi. Uning ta’kidlashicha, hibsga olingan Kanada fuqarolariga konsullik kirishini rad etish Vena konvensiyasini buzadi.
Flotilya tashkilotchilari ozod qilingan faollar zo‘ravonlikka uchraganini, ularning ba’zilari kasalxonaga yotqizilganini da’vo qilmoqda. Isroil qamoqxona xizmati bu ayblovlarni rad etdi.
Saar o‘z navbatida namoyishchilar Hamas harakatidan ilhomlanganini da’vo qildi va Ottavani Kanadadagi antisemitizm hodisalariga qarshi faolroq kurashishga chaqirdi.
Maktablarda «So‘nggi qo‘ng‘iroq» tadbirlari qachon o‘tkazilishi ma’lum bo‘ldi
Eron 57 ta musulmon davlatidan iborat “Islom NATOsi” ni tuzishga chaqirdi
Prezidentning yangi qarori qabul qilindi
