"Iltimos, Kanada gubernatori Tryudoga tushuntirib bering, u AQShga javoban savdo tariflarini kiritsa, bizning teskari tarifimiz shu zahotiyoq xuddi shu miqdorda oshadi", — deb yozdi Qo‘shma Shtatlar prezidenti Truth Social ijtimoiy tarmog‘idagi sahifasida.
Tramp prezidentlikka qayta saylanganidan so‘ng, Kanadani AQShning 51-shtati bo‘lishga chaqirib, shundagina "savdo bojlari bo‘lmasligi" haqida bayonot bergandi. Jastin Tryudo esa bunga "Kanadaning Qo‘shma Shtatlar tarkibiga kirish ehtimoli umuman yo‘q", deb javob qaytargan edi.
