Jizzax shahridagi «O‘rda» istirohat bog‘ida attraksion sinib ketishi oqibatida 4 kishi jarohatlandi. Bu haqda Sanoat, radiasiya va yadro xavfsizligi qo‘mitasi matbuot xizmati xabar berdi.
Ma’lum qilinishicha, baxtsiz hodisa kecha, 10 iyun kuni taxminan soat 21:44 da sodir bo‘lgan. «O‘rda» ekologik madaniyat va istirohat bog‘idagi «Niyatjon niyati» MCHJga tegishli bo‘lgan, 2019 yilda ishlab chiqarilgan 16 o‘rindiqli «Bashnya padeniya» attraksionida texnik nosozlik yuzaga kelgan.
Hodisa oqibatida jami 4 nafar fuqaro turli darajada tan jarohati olib shifoxonaga yotqizilgan. Bildirilishicha, hozirgi vaqtda jabrlanganlar mahalliy shifoxona mas’ullari nazoratida.
Qayd etilishicha, mazkur attraksionda navbatdagi texnik ko‘rik 2025 yil 5 noyabrda o‘tkazilgan. Hozirda holat yuzasidan mutasaddi mas’ul organlar tomonidan tergovga qadar dastlabki o‘rganish va surishtiruv ishlari olib borilmoqda.
Million rossiyalik mamlakatni tark etdi
47°C issiqlikda tong ham, tun ham yo‘q: Hindistonning eng issiq hududida bir kun
Timmi ismli kit bioyoqilg‘iga aylanadi
