Jizzax viloyatining Sharof Rashidov tumanida avtobus ariqqa tushib ketdi, deb xabar beradi viloyat IIB axborot xizmati.
Qayd etilishicha, 15 aprel kuni soat 17:00 larda Sharof Rashidov tumani “Qo‘shko‘prik” mahallasi hududidan o‘tgan avtomobil yo‘lida yo‘lovchi tashuvchi avtobus ariqqa tushib ketgan.
Olib borilgan surishtiruvlar natijasida avtobus ichida yo‘lovchilar bo‘lmagani aniqlangan. Haydovchiga esa birinchi tez tibbiy yordam ko‘rsatilgan.
