Majburiy ijro byurosi Jizzax viloyati boshqarmasi tijorat banki foydasiga kredit qarzdorligini undirish to‘g‘risidagi sud qarorini ijro etdi. Qarzdor A.B. kredit majburiyatlarini bajarmaganligi sababli, sud uning garovdagi mulki – "Cobalt" avtomobilini undiruvga qaratish haqida qaror chiqargan.
Davlat ijrochisi tomonidan A.B. bir necha bor ogohlantirilganiga qaramay, u qarzdorlikni to‘lashdan bosh tortgan va garovdagi avtomobilini yashirib yurgan. Shu sababli avtomobil qidiruvga berilgan.
Qidiruv tadbirlari davomida qarzdorga tegishli "Cobalt" rusumli avtomashina Navoiy viloyati Nurota tumanida harakatlanayotganligi aniqlandi va jarima maydonchasiga joylashtirildi.
Avtomobil elektron onlayn savdolarida sotilib, tushgan mablag‘dan qarzdorlik qoplanadi.
