Avvalroq Jizzax viloyatida ota o‘z bolalarini ayovsiz kaltaklagani va buning ortidan jinoyat ishi qo‘zg‘atilgani xabar qilingandi. Ijtimoiy himoya milliy agentligiga ko‘ra, hozirda jabrlangan bolalar oilaviy bolalar uyiga joylashtirilgan.
Qayd etilishicha, Sharof Rashidov tumanida sodir bo‘lgan ushbu hodisa ortidan Ijtimoiy himoya milliy agentligi Jizzax viloyati boshqarmasi mas’ul xodimlari hamda tegishli mutasaddilar zudlik bilan voqea joyiga yetib borgan. Voyaga yetmaganlar birinchi navbatda Birlamchi ko‘mak markaziga joylashtirilgan va ular to‘liq tibbiy ko‘rikdan o‘tkazilgan. Tibbiy xulosalarga ko‘ra, bolalarning salomatligi qoniqarli holatda ekani aniqlangan.
“Voyaga yetmaganlar bilan Sharof Rashidov tumani «Inson» ijtimoiy xizmatlar markazi psixologlari tomonidan zarur psixologik yordamlar ko‘rsatildi. Hozirgi paytda mazkur voyaga yetmaganlar bolalar oilaviy bolalar uyiga joylashtirilgan. Bolalarning kundalik nazorati ta’minlanib, ular to‘liq davlat himoyasi ostiga olindi”, deyiladi xabarda.
Aniqlanishicha, ayni paytda bolalarining onasi xorijda ishlayapti va hozirda uni O‘zbekistonga qaytarish choralari ko‘rilmoqda.
Maktablarda 1 sentyabrdan smartfondan foydalanish taqiqlanadi
Kapadze: "Agar terma jamoamizni Bentu boshqaradigan bo‘lsa, xayrli bo‘lsin deyman"
AQSh Kongressiga nomzod Valentina Gomes Qur’onni yoqib yubordi
