Jinoyatchi Isroil armiyasi hatto G‘azoga yordamga ketayotgan doktorni ham hibsga oldi

Isroil kuchlari yordam delegasiyasi bilan G‘azo sektoriga ketayotgan iordaniyalik shifokorni qo‘lga oldi.

Hibsga olingan shifokor Abdulloh al-Balaviyning otasi Salama al-Balaviy o‘zining Facebook’dagi sahifasida Isroil rasmiylari uning o‘g‘lini Iordaniya va bosib olingan G‘arbiy Sohil o‘rtasidagi Qirol Husayn yoki Allenbi ko‘prigi o‘tish joyida hibsga olganini ma’lum qildi.

Doktorning otasi Isroil hukumati hamrohlikdagi delegasiyani tergov maqsadida hibsga olishlarini bildirganiga e’tibor qaratdi. Uning so‘zlariga ko‘ra, Isroil rasmiylari hibs muddatini kelasi payshanbaga qadar uzaytirib, advokatining u bilan uchrashishiga to‘sqinlik qilgan va hibsga olish holatlari yoki sabablari noma’lumligicha qolmoqda.

Doktor avval ham xuddi shu gumanitar missiya doirasida G‘azoda bo‘lgan. Hozir Internetda Isroilga uning ahvoli haqida ma’lumot berish uchun chaqiruvlar bo‘lmoqda.