2026 yilgi futbol bo‘yicha Jahon chempionatining 1/8 final bosqichida Paragvay va Fransiya terma jamoalari o‘zaro to‘qnash keldi. AQShning Filadelfiya shahrida bo‘lib o‘tgan uchrashuvni o‘zbekistonlik hakam Ilgiz Tantashev boshqarib bordi. Bahs Fransiyaning 1:0 hisobidagi g‘alabasi bilan yakunlandi.
O‘yindagi yagona gol 70-daqiqada urildi. Fransiya hujumchisi Kilian Mbappe penaltini aniq amalga oshirib, jamoasiga g‘alaba keltirdi. Bu 28 yoshli futbolchi uchun joriy mundialdagi yettinchi va Jahon chempionatlari tarixidagi 19-goli sifatida qayd etildi. U Argentina terma jamoasi sardori Lionel Messi bilan birgalikda to‘purarlar poygasida yetakchilik qilmoqda.
Fransiya 1/16 finalda Shvesiyani 3:0 hisobida mag‘lub etgandi. Endilikda Didye Desham shogirdlari chorak finalda Kanada ustidan 3:0 hisobida zafar quchib, ushbu bosqichga yo‘l olgan Marokash terma jamoasiga qarshi maydonga tushadi.
Paragvay esa musobaqadagi ishtirokini yakunladi.
"100 million dollar evaziga hatto o‘z otamning ham yuziga uraman"
Shavkat Rahmonov endi oktagonga umuman qaytmaydi
OAV: Lamin Yamal sevgilisi bilan birga yashashni boshladi
