Jahon chempionati boshlanishiga sanoqli haftalar qolayotgan bir vaqtda, turnir atrofidagi qiziqish rekord darajaga yetmoqda. Xususan, 19 iyul kuni Nyu-Jersida bo‘lib o‘tadigan final bahsi chiptalarining narxi keskin qimmatlashgan.
derbyderbyderby.it nashrining xabar berishicha, final o‘yini uchun chiptalarning maksimal narxi 2 million yevrogacha yetmoqda. FIFA tomonidan olib borilayotgan narx siyosati esa muxlislar va ekspertlar o‘rtasida turli munozaralarga sabab bo‘lyapti.
Hozirda hal qiluvchi bahs uchun eng arzon chiptalarning boshlang‘ich narxi 23 ming yevro qilib belgilangan. Narxlar stadiondagi o‘rinlarning joylashuvi va toifasiga qarab keskin farq qilmoqda.
Shuningdek, chiptalar sotuvida kutilmagan holatlar ham kuzatilmoqda. Ma’lumotlarga ko‘ra, ba’zi sektorlarda 138 ming yevrolik "lyuks" toifadagi o‘rindiqlar 23 ming yevrolik oddiy joylar bilan yonma-yon joylashgan. Bunday nomutanosiblik chipta bozoridagi narxlarning sun’iy ravishda oshishi va talabning haddan tashqari yuqoriligi bilan izohlanmoqda.
Eslatib o‘tamiz, bo‘lajak Jahon chempionati ilk bor uchta davlat — AQSH, Kanada va Meksika mezbonligida o‘tkaziladi. Final bahsi esa AQShning Nyu-Jersi shtatidagi "Metlayf" stadionida bo‘lib o‘tadi.
O‘zbekistonlik ikki futbolchi Portugaliya klubiga yo‘l olmoqda
Zo'r TV bugun «Barselona» va «Manchester Siti» ishtirokidagi o‘yinlarni jonli translyasiya qiladi
Pep Gvardiola terma jamoani qabul qilib olishga tayyor
