Жаҳон чемпионати бошланишига саноқли ҳафталар қолаётган бир вақтда, турнир атрофидаги қизиқиш рекорд даражага етмоқда. Хусусан, 19 июль куни Нью-Жерсида бўлиб ўтадиган финал баҳси чипталарининг нархи кескин қимматлашган.
derbyderbyderby.it нашрининг хабар беришича, финал ўйини учун чипталарнинг максимал нархи 2 миллион еврогача етмоқда. ФИФА томонидан олиб борилаётган нарх сиёсати эса мухлислар ва экспертлар ўртасида турли мунозараларга сабаб бўляпти.
Ҳозирда ҳал қилувчи баҳс учун энг арзон чипталарнинг бошланғич нархи 23 минг евро қилиб белгиланган. Нархлар стадиондаги ўринларнинг жойлашуви ва тоифасига қараб кескин фарқ қилмоқда.
Шунингдек, чипталар сотувида кутилмаган ҳолатлар ҳам кузатилмоқда. Маълумотларга кўра, баъзи секторларда 138 минг евролик "люкс" тоифадаги ўриндиқлар 23 минг евролик оддий жойлар билан ёнма-ён жойлашган. Бундай номутаносиблик чипта бозоридаги нархларнинг сунъий равишда ошиши ва талабнинг ҳаддан ташқари юқорилиги билан изоҳланмоқда.
Эслатиб ўтамиз, бўлажак Жаҳон чемпионати илк бор учта давлат — АҚШ, Канада ва Мексика мезбонлигида ўтказилади. Финал баҳси эса АҚШнинг Нью-Жерси штатидаги "Метлайф" стадионида бўлиб ўтади.
Ўзбекистонлик икки футболчи Португалия клубига йўл олмоқда
Zo'r TV бугун «Барселона» ва «Манчестер Сити» иштирокидаги ўйинларни жонли трансляция қилади
Пеп Гвардиола терма жамоани қабул қилиб олишга тайёр
