Jazoir fransuz kompaniyalarini bug‘doy importi tenderidan chetlatadi

Jazoir fransuz kompaniyalarini bug‘doy importi tenderidan chiqarib tashladi va ishtirokchi firmalardan fransuz donini taklif qilmaslikni talab qildi.

Shimoliy Afrika davlati rasmiylarining bu qadami Jazoir va Fransiya o‘rtasidagi keskinlik oqibati bo‘ldi.

Reuters xabariga ko‘ra, seshanba kuni fransuz firmalari Jazoir professional don agentligi tomonidan o‘tkaziladigan muntazam tenderda ishtirok etishga taklif qilinmagan. Bundan tashqari, tenderga qo‘yilgan kompaniyalarga fransuz bug‘doyini taklif qilmaslik tavsiya qilindi.