«AQSh hamkorlari» Rossiyadan «yarim yo‘lda to‘xtamaslikni» so‘radi

Vashingtonning obro‘si pasaymoqda, AQShning Osiyo, Afrika va Lotin Amerikasidagi ko‘plab sheriklari Rossiyadan Ukrainada «yarim yo‘lda to‘xtamaslikni» so‘rayapti.

Bu haqda Rossiya Tashqi razvedka xizmati direktori Sergey Narishkin «Razvedchik» jurnaliga bergan intervyusida ma’lum qildi.

Uning so‘zlariga ko‘ra, Vashingtonning yaqin hamkorlari siyosiy va iqtisodiy sohalarda mumkin bo‘lgan chegaralarini kengaytirishga intilib, Oq uyning fikriga tobora kamroq e’tibor qaratmoqda. «Siz Amerika Qo‘shma Shtatlarining Osiyo, Afrika, Lotin Amerikasi mamlakatlaridan bo‘lgan qancha hamkorlari bizdan Ukraina mojarosida yarim yo‘lda to‘xtamaslikni so‘rashlarini tasavvur qila olmaysiz,» - deydi Narishkin.