Donald Tramp Ukraina uchuvchisiz uchoqlarining Rossiya harbiy-havo bazalariga hujumini “qo‘pollik” deb atadi, biroq bu u boshlagan diplomatik jarayonni izdan chiqarishidan xavotir bildirdi, deb yozadi G‘arb matbuoti.
AQSh prezidenti Donald Tramp Ukrainaning Rossiya harbiy ayerodromlariga hujumini “juda kuchli” va “qo‘pol” deb atadi, deya xabar bermoqda Axios amerika yetakchisiga yaqin manbalarga tayanib.
❕ Boshqa bir manbaning aytishicha, sobiq prezident Kiyevning harakatlarini “qo‘pollik” va hatto “qattiq” deb atagan. Ammo u, shuningdek, bunday hujumlar diplomatik sa’y-harakatlarni izdan chiqarishi va mojaroni uzaytirishi mumkinligidan xavotir bildirdi.
Axios yozganidek, Tramp Rossiyaning keskin javob qaytarishi mumkinligidan qo‘rqadi, bu esa uning tashabbusi bilan Moskva va Kiyev o‘rtasidagi muzokaralar bo‘yicha erishilgan yutuqlarga putur yetkazadi.
"U janglar to‘xtashini xohlaydi, shuning uchun bunday hujumlar sodir bo‘lganda, u hafsalasi pir bo‘ladi", dedi manbalardan biri.
4 iyun kuni Tramp Rossiya prezidenti Vladimir Putin bilan telefon orqali gaplashganini aytdi. Uning so‘zlariga ko‘ra, Rossiya yetakchisi havo bazalariga qilingan hujumlarga javob qaytarishi kerakligini “juda qat’iy” aytgan.
Tramp 1-iyun kuni sodir bo‘lgan hujum haqida hali hech qanday rasmiy bayonot bergani yo‘q.Kreml matbuot kotibi Dmitriy Peskovning aytishicha, Moskva “hech bo‘lmaganda, ushbu terrorchilik harakatini qattiq qoralaganini eshitishni afzal ko‘radi”.
Ukraina xavfsizlik xizmati “O‘rgimchak to‘ri” operasiyasi doirasida dronlar Rossiyaning Olenya, Belaya, Ivanovo-Severniy va Dyagilevodagi harbiy ayerodromlariga hujum qilganini da’vo qilmoqda. Ukraina prezidenti Vladimir Zelenskiy operasiya natijasida Rossiyaning 41 samolyoti urilganini aytdi.
Dahshat! Vafot etgan 88 yoshli ayol tobutda hushiga keldi
BAA bosh murabbiyi muxlislarga murojaat bilan chiqdi
Hindiston cho‘kib ketmoqda - yarim milliondan ortiq qurbonlar
