Janubiy Koreyadagi eng dahshatli o‘rmon yong‘inlarida kamida 26 kishi halok bo‘ldi

Janubiy Koreyani bir necha kundan beri mamlakat tarixidagi eng dahshatli o‘rmon yong‘inlari qamrab oldi. Rasmiy ma’lumotlarga ko‘ra, kamida 26 kishi halok bo‘lgan, yana 30 kishi og‘ir yaralangan.

Yong‘inlar Seuldan 250 km janubi-sharqda joylashgan Sanchon tumanida boshlangan. Rasmiylar xavfning eng yuqori darajasini e’lon qildi. Deyarli 40 ming kishi evakuasiya qilingan, Seulning bir qancha hududlarida suv va elektr ta’minoti uzilib qolgan.

Yong‘in natijasida bir qancha tarixiy obidalar, jumladan, ming yildan ortiq yashagan qadimiy ibodatxona vayron bo‘lgan. XVI asrda asos solingan va YUNESKOning Butunjahon merosi ro‘yxatiga kiritilgan Xaxo qishlog‘i ham xavf ostida qolmoqda.

Ayni paytda 6700 dan ortiq o‘t o‘chiruvchi yong‘in bilan kurashmoqda va kamida to‘rt nafari halok bo‘ldi. Janubiy Koreya prezidenti vazifasini bajaruvchi Xan Dok Su vaziyatni “misli ko‘rilmagan” deb atadi va jiddiy javob choralarini e’lon qildi. Rasmiylarning aytishicha, yong‘inlar olti kundan beri davom etmoqda va mutaxassislar bashorat qilganidan tezroq tarqalmoqda.