Janubiy Koreya polisiyasi Shimoliy Koreyaga guruch, dollar va Injil bilan to‘ldirilgan 1300 ga yaqin plastik butilkalarni noqonuniy olib kirishga uringan olti nafar AQSh fuqarosini qo‘lga oldi.
Bu haqda Inchxondagi Gangva polisiya bo‘limi vakili ma’lum qildi.
Uning so‘zlariga ko‘ra, guruh butilkalarni Seul g‘arbidagi, Shimoliy Koreya bilan chegara yaqinidagi chegara orollaridan biridan dengiz orqali jo‘natmoqchi bo‘lgan. Ularning harakatlari harbiy patrul tomonidan to‘xtatildi.
Hibsga olingan olti nafar shaxs Janubiy Koreyaning tabiiy ofatlarning oldini olish va xavfsizlik qonunini buzganlikda gumon qilinmoqda. Ular faoliyat yuritayotgan hudud avvalroq rasman “xavf zonasi” deb e’lon qilingan, bu yerda aholiga xavf tug‘dirishi mumkin bo‘lgan har qanday faoliyat taqiqlangan.
"Tarjimon ishtirokida tergov davom etmoqda. 48 soat ichida ularni qo‘yib yuborish yoki qo‘shimcha qamoqqa olish to‘g‘risida qaror qabul qilinadi", - dedi polisiya xodimi.
Agentlikning qayd etishicha, bunday aksiyalarning ishtirokchilari odatda Shimoliy Koreyadan qochganlar yoki nasroniy tashkilotlari a’zolaridir. Ular ko‘pincha dengiz orqali yuborilgan plastik butilkalar yordamida KXDR hududiga Injil, Janubiy Koreya seriallari aks ettirilgan flesh-disklar va boshqa ma’lumotlarni o‘tkazishga harakat qilishadi.
O‘zbekistonlik yana bir futbolchi "Manchester Siti"ga o‘tishi mumkin
Eldor Shomurodov yangi jamoasining taklifini qabul qildi
Isroil Eron bilan urush tugaganini rasman e’lon qildi
