Shimoliy Koreya Rossiyaga besh millionga yaqin artilleriya o‘qini sig‘dira oladigan konteynerlar yubordi. Bu haqda Janubiy Koreya mudofaa vaziri Shin Von Sik Bloomberg agentligi bilan suhbatda aytib o‘tdi.
Vazirning ta’kidlashicha, Seul Shimoliy Koreyadan Rossiyaga kamida 10 000 ta yuk konteynerlari olib ketilganini qayd etgan. Uning so‘zlariga ko‘ra, Rossiya prezidenti Vladimir Putin yaqin kunlarda Pxenyanga tashrifi chog‘ida keyingi ta’minotni muvofiqlashtirishga harakat qilishi mumkin.
Janubiy Koreya Mudofaa vazirligi rahbarining so‘zlariga ko‘ra, Pxenyan ham Rossiyaga o‘nlab ballistik raketalarni yuborgan.
Bunga javoban Moskva Shimoliy Koreyaga bir nechta josuslik sun’iy yo‘ldoshlarini, shuningdek, tanklar va samolyotlar kabi oddiy qurollarni joylashtirish rejalarini amalga oshirishda yordam berish uchun texnologiyani topshirdi, deyiladi nashrda.