Janubiy Koreya o‘zbekistonliklarga viza berishni to‘xtatishi mumkin

O‘zbekistonning Koreyadagi elchisiga ko‘ra, bu masala mamlakatda noqonuniy maqomda qolib ketgan o‘zbekistonliklar soni ortib borayotgani bilan bog‘liq.

Uning ta’kidlashicha, Koreyaga ishlash yoki o‘qish uchun kelib, keyin noqonuniy holatga o‘tib ketish holatlari ko‘paymoqda.

Elchiga ko‘ra, hozir mamlakatda qariyb 100 ming nafar O‘zbekiston fuqarosi bor. Ularning taxminan 9%i noqonuniy maqomda.

Agar bu ko‘rsatkich 10%ga yetsa, Koreya Adliya vazirligi O‘zbekiston fuqarolariga viza berishni butunlay to‘xtatishi mumkin.