Koreya Respublikasi hukumati va harbiylari chorshanba kuni “nazariy mashg‘ulot” o‘tkazadi, unda ular koinotda favqulodda vaziyatlar yuzaga kelishini taqlid qiladi va ularga javob qaytarish bo‘yicha mumkin bo‘lgan harakatlarni muhokama qiladi. Bu haqda Koreya Respublikasi Qurolli kuchlari shtab boshliqlari mahkamasi ma’lum qildi.
Tadbirda Qurolli Kuchlar, Milliy Mudofaa vazirligi, Fan va axborot-kommunikasiya texnologiyalari vazirligi, Koreya Aerokosmik tadqiqot instituti vakillari ishtirok etadi. Mashq birinchi marta Fan vazirligi tomonidan emas, harbiylar tomonidan tashkil etiladi.
Treningda koinot tahdidlariga javob berish tizimini takomillashtirish, harbiylar va tegishli tashkilotlar o‘rtasidagi o‘zaro hamkorlik masalalari muhokama qilinadi. Ishtirokchilar bir nechta mumkin bo‘lgan ssenariylarni, jumladan, Koreya yarim oroli hududiga ishlamayotgan sun’iy yo‘ldoshning qulashi, sun’iy yo‘ldoshning kosmik chiqindilar bilan to‘qnashuvi va quyosh faolligining kuchayishi tufayli kosmik iqlimning o‘zgarishini muhokama qiladi.
Joriy yilning yanvar oyida Fan va axborot-kommunikasiya texnologiyalari vazirligi iste’fodagi Amerika sun’iy yo‘ldoshi vayronalari Koreya yarim oroliga tushishi mumkinligi haqida ogohlantirgan edi. Oxir-oqibat, sun’iy yo‘ldosh Alyaska yaqinidagi suvlarga qulab tushdi.
