Italiya Ukraina uchun Amerika qurollarini sotib olmoqchi emas

Italiya Ukraina uchun Amerika qurollarini sotib olish bo‘yicha PURL dasturidagi ishtirokini to‘xtatmoqda.

Bu haqda Italiya tashqi ishlar vaziri Antonio Tayani ma’lum qildi.

Uning ta’kidlashicha, Rossiya-Ukraina urushini tugatish bo‘yicha tinchlik muzokaralari davom etayotgan bir paytda Italiyaning PURLda ishtirok etishi erta.

"Agar kelishuvga erishsak va janglar to‘xtasa, qurol-yarog‘ga ehtiyoj qolmaydi. Xavfsizlik kafolatlari kabi boshqa narsalar ham kerak bo‘ladi", dedi Tayani Bryusselda jurnalistlarga.

PURL - bu ittifoqchilarga Ukraina uchun Amerika qurollarini sotib olishni birgalikda moliyalashtirish imkonini beruvchi AQSH-NATO mexanizmi. Tashabbusga allaqachon 20 ga yaqin davlat qo‘shilgan.