Italiya terma jamoasiga yangi bosh murabbiy tayinlandi

“Milan” va “Napoli” klublarining sobiq bosh murabbiyi Jennaro Gattuzo Italiya terma jamoasini boshqaradi.

Bu haqda jamoa matbuot xizmati xabar berdi.

U jahon chempionati saralashining birinchi bosqichida italiyaliklarning Norvegiyadan yirik hisobda mag‘lubiyatga uchraganidan (0:3) so‘ng ishdan bo‘shatilgan Luchano Spaletti o‘rniga murabbiylik qiladi.

Aytish joizki, 47 yoshli Gattuzo oldida qiyin vazifa turibdi – Italiya terma jamoasini 2014-yildan beri o‘ynamayotgan jahon chempionatiga olib chiqish.

Italiya terma jamoasi navbatdagi o‘yinini 5 sentyabr kuni o‘tkazadi.