Isroilning xunrezliklari raqamlarda

Turkiya prezidenti Rajab Toyyib Erdo‘g‘an Otaturk madaniyat markazida "Bilim tarqatish" mukofotlarini topshirish marosimida nutq so‘zladi.

Erdo‘g‘an Isroilning Falastinda qilgan xunrezliklari haqida raqamlar bilan misol keltirdi.

Turkiya Prezidentining ma’lum qilishicha, G‘azoda maktablarning 80 foizi, 668 ta bino Isroil bombardimonlari natijasida zarar ko‘rgan. 165 ta maktab, universitet va ta’lim muassasasi butunlay vayron bo‘lgan, 392 tasi esa yaroqsiz holga kelgan.

Ishg‘olchi kuchlar tomonidan 13 500 dan ortiq o‘quvchi, 830 dan ortiq o‘qituvchi va xodim hamda 193 nafar olim va akademik o‘ldirilgan. 785 000 dan ortiq o‘quvchi ta’lim olish huquqidan mahrum qilingan.

"Isroil tepasida axloq bilan hech qanday aloqasi bo‘lmagan odam turibdi," dedi prezident va G‘azoda "ongli va qasddan ommaviy qirg‘in siyosati" amalga oshirilganini qo‘shimcha qildi.

"Biz hech qachon jim turmaganmiz va jim turmaymiz ham," - deya ta’kidladi Erdo‘g‘an.