Isroilning Livanga uyushtirgan hujumida 12 kishi halok bo‘ldi

Livan sharqida Isroilning havo hujumi natijasida kamida 12 nafar “Hizbulloh” a’zosi halok bo‘ldi.

Bu haqda Lebanon 24 yangiliklar portali tibbiy manbalarga tayanib xabar bergan.

Portal ma’lumotlariga ko‘ra, 37 nafar yarador kasalxonalarga yetkazilgan.

Rayyak shahridagi qurolli kuchlar shtab-kvartirasi va Bekaa vodiysidagi Ksar Naba va Badnayil shaharlari orasida joylashgan dala lageri bombardimon qilingan.

Portal ma’lumotlariga ko‘ra, halok bo‘lganlar orasida “Hizbulloh”ning uch nafar harbiy rahbari bor: Ali Zayd al-Musaviy, Ibrohim al-Musaviy va Husayn Yag‘iy.