Isroilning G‘azoga bergan zarbalari natijasida 20 dan ortiq kishi halok bo‘ldi

Isroilning G‘azo sektori markaziy va janubiy hududlariga bergan aviazarbalari natijasida 20 dan ortiq odam halok bo‘ldi.

Bu haqda tibbiy manbalarga tayanib, "Al-Jazira" telekanali xabar berdi.

"Isroilning chorshanba kuni ertalab G‘azo sektorining markaziy va janubiy hududlariga uyushtirgan hujumlari natijasida 21 kishi halok bo‘ldi”, — deyiladi telekanal xabarida.

Xabar qilinishicha, zarbalar Xon Yunis va Rafah shaharlaridagi turar-joy binolari va qochqinlar chodirlarini o‘z ichiga olgan.

Isroil Mudofaa vaziri Izrel Kas G‘azo sektoridagi Isroil armiyasi operasiyalari kengaytirilganini ma’lum qildi.