Isroilda o‘rmon yong‘inlari boshlandi

Bu haqda Ynet portal xabar bermoqda.

"Mazkeret Batya va Beyt Shemesh hududlaridagi uylar va temir yo‘llarga o‘tgan yong‘inni o‘chirish uchun o‘nlab guruhlar, samolyotlar va vertolyotlar ishlamoqda. O‘t o‘chirish boshqarmasi umumiy safarbarlik e’lon qildi”, — deyiladi maqolada.

Qayd etilishicha, yong‘inlar tufayli bir qancha yo‘nalishlarda poyezdlar harakati to‘xtatilgan. Boshqa hududlarda ham yong‘inlar kuzatilmoqda.

Yong‘inlar issiq tufayli yuzaga kelgan qurg‘oqchilik tufayli boshlangan. Ayrim joylarda havo harorati +34 darajaga yetdi.