Semafor nashrining AQSh rasmiylariga tayanib xabar berishicha, shu hafta Isroil Qo‘shma Shtatlarni Eron va uning ittifoqchilari hujumlaridan himoyalanish uchun to‘xtatuvchi raketalarning jiddiy yetishmovchiligi haqida xabardor qilgan.
Nashr manbalarining ta’kidlashicha, Isroil Eronga qarshi qurolli mojaroga cheklangan to‘xtatuvchi raketa zaxirasi bilan kirgan. Ularning aytishicha, armiya o‘tgan yozda Eron bilan to‘qnashuvlar paytida raketalarining katta qismini sarflagan.
Biroq Oq uy bu yetishmovchilikdan hayratda qolmadi. "Buni biz kutgan va oldindan bilgan edik", dedi AQSh rasmiylaridan biri nashrga.
Semafor'ning manbasiga ko‘ra, AQSh to‘xtatuvchi raketalar yetishmovchiligini boshdan kechirmayapti va Vashington Yaqin Sharqdagi inshootlarini himoya qila oladi. Biroq, AQSh raketalarni Isroilga sotadimi yoki topshiradimi, hali ham noma’lum, chunki bu uning o‘z arsenaliga putur yetkazishi mumkin.
"Isroil hujumlardan himoyalanishning boshqa usullariga ham ega, masalan, uning qurolli kuchlari qiruvchi samolyotlardan foydalanishi mumkin. Biroq havo hujumidan mudofaa tizimlari uzoq masofali raketalarga qarshi eng samarali vositadir", deyiladi xabarda.
BMTda uyat va bema’nilik teatri
"Suv ostidan uchiriladigan va soniyasiga 100 metr tezlikka ega": Eron yangi turdagi raketalarini ishga solmoqchi
Eron Isroilga o‘ta og‘ir ballistik raketalar bilan kuchli hujum uyushtirdi
