Isroil qiruvchi samolyotlari juma kuni kechqurun Suriya janubidagi Damashq va Suvayda viloyatlari qishloqlaridagi kamida oltita harbiy pozisiyaga navbatdagi havo hujumlarini amalga oshirdi. Bu haqda Suriya inson huquqlari monitoringi markazi xabar berdi.
Isroilning Tel al-Qolib atrofidagi hududlar va Suriya harbiy kazarmalari joylashgan al-Kafr qishlog‘i yaqinidagi havo hujumlari natijasida janubiy Suvaydada kuchli portlashlar sodir bo‘lgan.
Portlashlardan so‘ng kazarmadan tutun ko‘tarildi, deya qo‘shimcha qildi Britaniyada joylashgan monitoring markazi.
Shu bilan birga, Damashq qishlog‘ida Isroil raketalari Suriyaning elektron urush operasiyalari bilan bog‘liq bo‘lgan nishonlarga hamda Naja shahri yaqinidagi yoqilg‘i omborlariga zarba berdi, dedi monitoring markazi.
Janubdagi Dara viloyati aholisining xabar berishicha, Isroil harbiy samolyotlari Yarmuk daryosi havzasi ustidan uchib, sharqqa qarab ketmoqda.
Hujumlar Isroilning Suriyadagi siyosiy to‘ntarishdan so‘ng tarqatib yuborilgan Suriya armiyasiga qarashli harbiy ob’ektlarga uyushtirgan havo hujumlarining so‘nggisi bo‘ldi. 8 dekabr kuni qurolli guruhlar Suriyaning sobiq prezidenti Bashar al-Assad hukumatini ag‘dardi.
Ukraina dushman uchun «Jahannam» tayyorladi
16 dekabr kuni yana izg‘irin sovuq qaytadi
Talabalarga Yangi yil bayramini nishonlash taqiqlandi
