Isroil Livandagi qutqaruv guruhiga hujum qildi

Isroil havo kuchlari Livan janubida qutqaruv guruhiga hujum qildi.

Bu haqda Livan armiyasi xabar bermoqda.

Agentlik ma’lumotlariga ko‘ra, fuqarolik mudofaasi bo‘linmalari Livan harbiy xizmatchilari bilan birgalikda Majdal Zun shahrida (Tire tumani) tinch aholini qutqarish operasiyasini amalga oshirayotgan edi.

"Isroilning o‘qqa tutilishi natijasida ikki livanlik askar yaralangan", deyiladi bayonotda.

Avvalroq, Isroil havo kuchlari Livan janubidagi sakkizta aholi punktiga, shuningdek, Tirning sharqidagi hududlarga hujum qilgani haqida xabar berilgan edi.