Isroil jamiyati ekstremistlar va zo‘rlovchilar tomonidan ichkaridan mustamlaka qilingan

Isroil G‘azo sektorida bosqinchilik va qirg‘inbarot urushini boshlaganiga 420 kun bo‘ldi. 24 soat davomida G‘azo sektori, Iordan daryosining G‘arbiy sohili hamda butun Yaqin Sharq hududida sodir bo‘lgan asosiy voqealar.

▪️Bosqinchilar Zaytun hududi, Dayr al-Balah, Bayt-Lahia, Jabaliya va Nusayrat lagerlariga hujum qildi. So‘nggi 24 soat ichida Isroil armiyasi tomonidan G‘azo sektorining turli hududlarida uyushtirilgan “uchta qirg‘in” oqibatida 48 kishi halok bo‘ldi, 53 kishi jarohatlandi.

▪️2023 yil 7 oktyabrdan buyon Isroilning G‘azo sektoriga uyushtirgan hujumlarida halok bo‘lganlar soni 44 ming 330 nafarga, yaralanganlar soni esa 104 ming 933 nafarga yetdi.

▪️Al-Quds brigadalari: G‘azo shimolidagi ishg‘olchilarning pozisiyalariga hujum qildik, o‘lganlar va yaralanganlar bor.

▪️Evropa Ittifoqi rahbari: Isroil jamiyati ekstremistlar va zo‘rlovchilar tomonidan ichkaridan mustamlaka qilingan.

▪️YUNRVA rahbari: G‘azodagi urushda halok bo‘lganlarning kamida 70 foizi ayollar va bolalardir.

▪️BMT rahbari: Biz Falastin xalqining tinchlik, xavfsizlik va qadr-qimmat sharoitida yashash huquqini amalga oshirishda birdamligimizni ko‘rsatishda davom etamiz.

▪️Husiylar: Hujumlarimiz AQSh Harbiy-dengiz kuchlari tarixida birinchi marta samolyot tashuvchilarning chekinishga majbur bo‘lishiga olib keldi. Qizil dengizdan «Eyzenxauer», Arab dengizidan “Abraham Linkoln” aviatashuvchi kemalari qochib ketdi.

▪️Livan Qurolli Kuchlari Isroil askarlarini sulh bitimini buzganlikda aybladi.

▪️Suriyada jangarilar hujumi chog‘ida Eron Islom Inqilobi Qo‘riqchilari generali halok bo‘ldi. Tehron bu hujumni AQSh va Isroilning mintaqani beqarorlashtirishga qaratilgan hiylasi deb atadi.

▪️Isroil parlamenti Isroil ishg‘oliga qarshilik ko‘rsatishni qo‘llab-quvvatlovchi, aniqrog‘i arab partiyalarning mahalliy saylovlarda ishtirok etishini taqiqlashga qaratilgan qonunni qabul qildi. Knesset, shuningdek, hukumatni haddan tashqari tanqid qilgani uchun Kan teleradiokorporasiyasini yopish to‘g‘risidagi qonunni tasdiqladi.