Isroil halok bo‘lgan mahbusning jasadini olganini tasdiqladi

Isroil bosh vazirlik idorasi bayonotiga ko‘ra, Isroil G‘azo sektorida saqlanayotgan halok bo‘lgan isroillik mahbuslardan birining jasadini Xalqaro Qizil Xoch qo‘mitasi orqali qabul qildi.

Sud-tibbiyot ekspertlari Meni Godarning qoldiqlarini aniqlash jarayonini yakunladi. Shu bilan birga, G‘azoda yana uchta mahbusning qoldiqlari saqlanmoqda: ikki Isroil fuqarosi va bir Tailand fuqarosi.

Falastinning Hamas harakatining harbiy qanoti – Izzad-Din al-Qassam brigadalari va Islomiy jihod G‘azo sektorida o‘t ochishni to‘xtatish va asir almashish kelishuvi doirasida jasadni topshirganliklarini bildirdi.

Shu tariqa, Falastin tomoni hozirgacha 25 nafar mahbusning jasadini Isroilga topshirdi. Joriy yilning 10-oktyabr kuni kuchga kirgan kelishuv 28 nafar isroillik mahbusning qoldiqlarini qaytarishni nazarda tutadi.