Isroil G‘azo sektorida bosqinchilik va qirg‘inbarot urushini boshlaganiga 344 kun bo‘ldi

Isroil G‘azo sektorida bosqinchilik va qirg‘inbarot urushini boshlaganiga 344 kun bo‘ldi. 24 soat davomida G‘azo sektori, Iordan daryosining G‘arbiy sohili hamda butun Yaqin Sharq hududida sodir bo‘lgan asosiy voqealar.

▪️Bosqinchilar Rafah, Xon Yunis, Nuseyrat va Jabaliya lagerlariga hujum qildi. 24 soat ichida 19 kishi shahid bo‘ldi. Urush boshlanganidan buyon 41137 kishi shahid bo‘ldi.

▪️G‘arbiy Sohilda ishg‘olchilar Nablus, Tulkarm va Jeninga bostirib kirdi. Qarshilik mergani bir isroillik askarni otdi.

▪️Al-Quds brigadalari: Nitsarim o‘qida sionistlar nazorat shtabiga hujum qildik.

▪️Hizbulloh Amiaddagi harbiy bazaga hujum qildi. Isroil shimoliga 50 dan ortiq raketa uchirildi. Ayrim hududlarda yong‘inlar sodir bo‘ldi.

▪️The Intercept: Vashington Isroil janubida yoqilg‘i quyuvchi samolyotlarini joylashtirish uchun inshootlar qurish ustida ishlamoqda.

▪️Iordaniyada uch isroillikni otib o‘ldirgan shahid Maher Al-Jaziyning jasadini Isroildan qaytarish talabi bilan ommaviy namoyishlar bo‘lib o‘tmoqda.

▪️YUNRVA: G‘arbiy Sohilda isroillik mergan bizning xodimimizni otib o‘ldirdi. Bu so‘nggi 10 yil ichida ushbu hududdagi birinchi o‘lim.

▪️Chili Janubiy Afrikaning G‘azodagi genosidda ayblab Isroilga qarshi ochgan da’vosiga qo‘shilish uchun ariza berdi.