Isroil G‘azo sektori markazidagi yana bir qochqinlar lagerini vayron qildi

Isroil havo hujumi natijasida G‘azo sektori markazidagi Al-Manasra qochqinlar lageri butunlay vayron bo‘ldi.

Bu lagerda o‘z uylarini tark etishga majbur bo‘lgan yuzlab falastinlik oilalar joylashgan edi. Isroil hukumati shaharcha aholisiga ko‘chish uchun atigi besh daqiqa vaqt berdi. Hujum chog‘ida yaqin atrofdagi maktab ham vayron etildi.

Isroil 20 avgust kuni G‘azoni bosib olish operasiyasini tasdiqlagan edi.

Bugun Isroil harbiylari tibbiyot xodimlari va xalqaro tashkilotlarga aholini G‘azo shahridan evakuasiya qilishga tayyorgarlik ko‘rish zarurligi to‘g‘risida xabar berdi.