Isroil bosh vaziri Eron bilan harbiy mojaroda o‘t ochishni to‘xtatish kelishuvi kuchga kirganini tasdiqladi

"Eronga qarshi harbiy amaliyot maqsadlariga erishilganini hisobga olgan holda va AQSh prezidenti Donald Tramp bilan to‘liq muvofiqlashtirilgan tarzda Isroil prezident tomonidan taklif qilingan ikki tomonlama o‘t ochishni to‘xtatish taklifini qabul qildi", deyiladi Isroil bosh vaziri ofisi bayonotida

Netanyahuning aytishicha, operasiya davomida Isroil "ulkan tarixiy yutuqlarga" erishgan va mavjud bo‘lgan ikkita ekzistensial tahdid, Eronning yadroviy va ballistik raketa dasturlarini bartaraf etgan.

Shu bilan birga, Netanyahu Isroil o‘t ochishni to‘xtatish rejimini har qanday buzilishiga qattiq javob berishini va’da qildi.