Isroil bir kechada G‘azoda 97 nafar falastinlikni o‘ldirdi

Isroil mudofaa kuchlarining G‘azo sektoriga bergan zarbalari natijasida so‘nggi 24 soat ichida kamida 97 falastinlik halok bo‘ldi, o‘nlab kishilar yaralandi.

Bu haqda Al Masirah telekanali ma’lum qildi.

Unga ko‘ra, Isroil qo‘shinlari dronlar yordamida bir necha turar-joy binolarini bombardimon qilgan va Xon-Yunisdagi ko‘chirilganlar uchun chodir lageriga hujum qilgan.

Bundan tashqari, anklavning markaziy qismidagi Nuseyrat shahridagi bozorda bir guruh falastinliklar Isroil dronlari tomonidan o‘qqa tutildi.