Italiyaning Bolonya shahrida Yevroliga 12-turidan o‘rin olgan “Virtus Bolonya” – Tel-Avivning “Makkabi” jamoalari o‘rtasidagi uchrashuv oldidan Isroil klubiga qarshi ommaviy norozilik aksiyalari tashkil etildi.
Mahalliy nashrlarda yozilishicha, minglab insonlar shahar markazidagi Piazza Maggiore maydoniga to‘planib, Isroil jamoalarining xalqaro sport musobaqalarida ishtirok etishini to‘xtatishni talab qilishdi. Namoyishchilar “Isroilga qizil kartochkani ko‘rsating” deb yozilgan bannerlar ko‘tarib, G‘azoda falastinliklarga nisbatan genosid amalga oshirilayotgani haqidagi ayblovlar fonida Isroil sport klublariga cheklov joriy etishni talab qildilar.
Namoyishchilar “Ozod Falastin” shiorlarini ham baralla yangradilar. Shahar bo‘ylab o‘tkazilgan yurish chog‘ida Cho'loq ko‘chasida bir guruh namoyishchilar bilan xavfsizlik kuchlari o‘rtasida to‘qnashuvlar yuzaga keldi. Polisiya vaziyatni nazorat qilish maqsadida suv to‘plaridan foydalangan. Ayrim namoyishchilar esa axlat qutialaridan to‘siqlar o‘rnatib, mash’alalar yoqqan.
Qo‘zg‘olon yuz bergan ayrim ko‘chalar vaqtingina jang maydoniga aylangan.
Ma’lumot uchun, 21 noyabr kuni Milanda ham Yevroligadagi EA7 Emporio Armani Olimpia Milano – “Xapoel” o‘rtasidagi o‘yin oldidan Isroil jamoasiga qarshi norozilik namoyishlari o‘tgani qayd etilgan.
Fabio Kannavaro Italiya U-17 - O‘zbekiston U-17 o‘yiniga munosabat bildirdi
«Bu jamoa bilan yo‘lim tugadi» - Islombek Ismoilov O‘zbekiston U-17 terma jamoasidan ketganini e’lon qildi
Temur Kapadze Indoneziya terma jamoasida qancha maosh oladi?
