Isroil armiyasi va ko‘chmanchilar G‘arbiy sohildagi reydlarini davom ettirmoqda. Nablus shahrida ularning hujumi oqibatida kamida uch falastinlik yaralandi.
Mahalliy manbalarga ko‘ra, askarlar shahar markazi va al-Ayn qochqinlar lageriga kirib borgan, natijada to‘qnashuvlar kelib chiqqan. Harbiylar namoyishchilarga o‘q uzgan va ko‘zdan yosh chiqaruvchi gaz ishlatgan.
Falastin Qizil Yarim Oyi xabar berishicha, bir fuqaro boshidan og‘ir yaralangan va holati og‘ir. Yana bir shaxs esa isroillik ko‘chmanchilar tomonidan qattiq kaltaklangan.
Shuningdek, Nablus yaqinidagi Salim shaharchasida askarlar bir necha soat davomida yaralangan falastinlikni ushlab turib, tez yordam mashinasiga olib ketishiga to‘sqinlik qilgan.
Nablusdan tashqari, Isroil armiyasi G‘arbiy sohilning boshqa qishloq va shaharlarida ham reydlar o‘tkazib, ko‘plab falastinliklarni qo‘lga oldi.
Maktablarda 1 sentyabrdan smartfondan foydalanish taqiqlanadi
Kapadze: "Agar terma jamoamizni Bentu boshqaradigan bo‘lsa, xayrli bo‘lsin deyman"
Toshkentdagi janjal yuzasidan rasmiy bayonot berildi
