Isroil armiyasi Suriyadagi ikkita aholi punktlarida tozalash ishlarini olib bordi

Isroil armiyasining mexanizasiyalashgan patruli Suriya janubidagi Al-Kunaytra viloyati hududiga bostirib kirib, Bir-Ajam va Breyga aholi punktlarida tozalash ishlarini olib bordi.

Bu haqda Syria TV telekanali xabar berdi.

Unga ko‘ra, operasiya davomida Isroilning uchuvchisiz uchoqlari aholi punktlari ustidagi osmonda patrullik qilgan. Radikal guruhlarga aloqadorlikda gumon qilingan fuqarolarning hibsga olingani haqida xabarlar kelib tushmagan.

Eslatib o‘tamiz, avvalroq Suriya va Isroil delegasiyalari Parijda maslahatlashuvlar o‘tkazgan va ular davomida 1974 yilda Golan tepaliklarida Isroil va Suriya qo‘shinlarini qurolsizlantirish bo‘yicha kelishuvni qayta tiklash shartlari muhokama qilingan edi. 24 avgust kuni Arab Respublikasi Prezidenti Ahmad al-Shara xavfsizlik choralari bo‘yicha ikki tomonlama kelishuvlarni ishlab chiqish borasida erishilgan yutuqlar haqida ma’lumot berdi. Uning so‘zlariga ko‘ra, Suriya rasmiylari Isroilning Dara va Al-Qunaytra viloyatlariga doimiy bosqinlarini to‘xtatish ustida ishlamoqda.